如果想睇完全版同d相既話，就去我既facebook度睇啦！！1 月
一月頭最重要既事就當然係出 GPA 啦，因為手語同天文學我比人 kill 左，所以我入 U 以黎第一次唔過 3…….
睇返我果時既 schedule, 我發覺我由一月頭到一月尾放新年假之前都係忙緊莊務，差唔多日日都有野做咁滯 ……… 上 1 次莊同落 2 支莊就係咁架喇 ~
不過呢，依家都唔係幾記得果時有幾辛苦 …….
o 係一月頭，我地為左上莊既宣傳而影左 d 咁既相 ……….
16/1 ：怒 bears 既開學飯加生日聚，去左廟街食煲仔飯，好似好耐都無試過齊晒組媽出席組聚，起碼果次之後都未試過啦！
我仲記得我地果晚玩得好開心架，我記得我笑到塊面好痛 ……..
2 月
2 月頭都仲係忙住 NASU 既野，包括有 AGM 同埋幫手拉票叫人投票，我記得果時差唔多我日日都去 NA can/ 文廣 /NA 校巴站度拉票架！！
12/2 ： Soci 交職典禮
13/2 ： NA photo day~~ 最出既就當然係帶子既「 NA 之帶子」既易拉架啦，即刻成為左 NA soci 既景點呀！！我亦都第一次感受到 photo day 約影組相有幾辛苦，之後我仲約多 3 次 photo day ， 2010 年又有 4 次 photo day 呀，嗚 …….. 夜晚怒 bears 組聚本來話去 BBQ 架，點知因為落雨，結果最後都係去返皇城打邊爐，多謝洪寶畫左張好靚既生日卡比我呀 ~
19/2 ： Soci 春茗： 4 個 0222 一齊切蛋糕！
3 月
6/3 ： CC Photo Day~~ 去左兩年 photo day ，第一次要行雨程， o 係 408 入面 photo
day 既感覺真係好特別！
之後果個禮拜我參加左好多社會盾既項目，包括 UNO, Winning, 羽毛球、乒乓波同埋男籃，其中 o 係男籃度我初嘗玩左社盾以來第一次羅到第一 ( 雖然唔係幾關我事 ) ，同埋乒乓波男單我連續兩年屈居亞軍， 2010 年我會捲土重來架，哼！
13/3 ： Shaw Photo Day ，為左依次 photo day ，我第一次走左 assembly……… 印象最深刻都係師父送比 Tracy 既書法，真係屈左機呀！！之後去左 Tracy 間房，我就開始擔心黎緊 2010 年 2 月 photo day 之後我間房會有幾亂 ……..
15/3 ：怒 bears 三月生日會，我地出左旺角既 cafe 同 Chami 同埋阿珊慶祝生日 ~~ 又有得玩好緊張刺激既 pictionary~~
30/3 ： Shaw 送舊，開始我送舊破財之旅 ~~ 第一次去送舊去到有 d 眼濕濕，唔知下年到我送舊既時候我會唔會喊呢？
4 月
2/4 ：社盾唱，今年終於唔使我出馬喇！不過 NA 好不辛只係羅到第四名， 2010 年 NA 要加油呀！！
3/4 ： UC Photo Day ，我兩年入面去既第八個 photo day ，終於第一次做機佬，幫左 Kathy 做機佬 …… 不過做機佬其實真係幾辛苦，但係我同 Kathy 、 Wendy 同埋其他 socian 竟然上左星期日檔案 lor ，哈哈哈哈 ~~
7/4 ： NA 送舊，作為帶子既組仔同組老公，我當然要去送佢啦，我又係去左做機佬 lor~~
8/4 ： NA 暖笑話比賽，作為 NASU 上莊之後既第一個大活動，我地好比心機去搞架 ~~ 見到咁多人黎圓廣睇，我地真係好開心！
9/4 ：大系送舊，今年比起上年有多 d 怒 bears 黎 ~~ 我記得我地果圍好多人都抽中獎， Tracy 抽中左一盞來自韓國既燈，唔知佢依家有無用到呢？
17/4 ： UC 送舊，其實入左中大咁耐，我真係第一次去思源館 lor……..d 野食都幾好食呀 ~~ 我又做左非官方既機佬 ~~ 玩左之後仲同左冰冰、師父佢地去左探險 tim ，哈哈哈哈 ~~
5 月
五月頭就當然係考試既季節啦，我結果補考普通話語精都仲係唔合格呀，我覺得根本就係我既問題呀！！
20/5 ：澳門美食一天遊，我同左明輝、阿祁同埋 Wendy 一齊去左澳門美食一天遊，食左好多好多正野，最正係玩左咁多野食左咁多野最後唔使 $400 就搞掂，真係仲抵過去迪士尼呀！
24/5 ： NASU 莊聚，依次係史上我地最多人出席既莊聚，除左 Bell Bell 因傷去唔到之外 …….. 我地本來想碌齡，結果碌唔到就去左打機 lor~
26-27/5 ：國是澳門莊聚，我地講左成年話去澳門，結果一年之後終於去得成，因為種種原因，結果最後得我、 Patrick 、 Bigi 同阿欣去，其實 d 行程同我早個星期去既差唔多，因為都係我 plan 既 ~
30/5 ：吏組第一次輔聚，當然啦，果時未有吏組依個名，我淨係記得果時係去左一間 d 野食黎得好慢同埋好多人食煙既 café ，之後 d 輔聚就愈黎愈少人 …………….
6 月
4/6 ： 64 二十週年，我第一次去燭光晚會，因為太多人，其實係咩都睇唔到架，不過最 surprise 既就係張琦都同我地一齊去，仲買左 tee……….
6-7/6 ：中同 camp@ 長洲，好耐無同班中同咁樣玩喇，有 d 懷念返中學既生活呀 ~~
10/6 ：吏組第二次輔聚，黎左荃灣，本來想一齊玩既，但係因為太少人喇，一齊食完野，諗下組名之後就散左喇 ………
13-14/6 ：怒 bears 梅窩 camp ，自從 o camp 之後就無機會大家咁玩喇 ~~ 我地去左沙灘玩數字球、沙灘排球同埋玩水，阿祁慘遭大懲罰呀！！夜晚就打邊爐，印象最深刻既就係本來夜晚話走既明輝同 Kathy 最後都無走到，同我地夜晚瘋狂咁玩皇帝與賤人，玩下玩下唔覺唔覺就已經天光 lu ，哈哈哈哈 ~~
21-22/6 ：同屋企人去左澳門，唔知點解住美高梅比人 upgrade 左間房，變左係有按摩既浴缸既套房 ……
27/6 ：吏組第三次輔聚，我真係唔記得左我地 o 係 CC can 度做過 d 咩 …….
7 月
2/7 ：吏組第四次輔聚，我都唔記得左我地去旺角做左 d 咩喇 ……….
7/7 ：同左中同去左大澳同大佛，其實係我咁大個仔第一次去依兩個地方咋 ………
11-12/7 ：吏組 pre pre camp ，差 d 因為打風，我地就去唔成架喇，結果果晚我地差唔多無訓過，係咁玩同傾計 lor~~
14/7 ：怒 bears7 月生日會，今次我地又係去左 cafe 食，同 Keroro 、 Crystal 同埋 Wendy 慶祝生日呀 ~~Keroro 張綠色生日卡真係好正！
18/7 ：今次我一定記得喇，就係我同洪寶去左深水 po 買組飾 ~~
25-26/7 ：細 O pre camp ：我最記得就係 treasure hunt 我地同 Stefan 果組大獲全勝， yeah ！！
8 月
1-3/8 ：大 O pre camp ，之前因為打風所以取消左一次，我 o 係大 O 入面做 EC~~ 我印象最深刻既就係 city hunt 我去左維園守 check point ，同賓賓 o 係度爭位 …….
5-6/8 ： Reg day ，其實由六月開始，我同衣機代表 NA 去搞 reg day ，原來搞一個 reg day 唔係咁簡單架，最後都要林芷欣出手先至收到科 ………
7-11/8 ：其實依段時間都係準備細 O 既野，但係洪寶 o 係依段時間就病左 …… 不過我地都無令佢失望，我地準備得好好架！
13-16/8 ：細 O 正 camp ：由第一晚開始，好不幸就輪到我病，原來病住玩 o camp 真係好辛苦，我辛苦到完全唔可以跳 camp fire ，唔係就成個肺都可以咳出黎 ~~ 最緊要就係 d 組仔女玩得開心嘛，不過我病到死下死下，唔係太投入到就真係有 d 遺憾 ……..
21/8 ：怒 bears 組聚 @ 品香，我地今次去左南山村品香樓同 Fion 同埋周聰慶祝生日呀 ~~ 我地仲去有阿冰 o 係石硤尾間屋度坐下 tim~~
26-29/8 ：大 O 正 camp ，我發覺雖然做 EC 可以免費玩大 O ，但係其實都係幾辛苦 ……. 細 O 完左之後 d 病都未清得晒，今次我去維園個 check point 就變左同踢波 d 阿伯吹水，期間仲比差佬查身份證，咁大個仔都未試過 lor…… 最記得係晚會既時候，我因為要看住嘉賓 d 野，所以我 o 係會室睇左幾粒鐘電視 ~~ 完左 camp 之後我仲留多一晚同班男 OCEC 一齊玩 tim~
9 月
1/9 ：吏組組聚，我地首先去又一城溜冰，溜下溜下我好快就學識左，仲同阿 John 一齊溜得好開心呀，哈哈哈哈 ~~ 之後我地又係去左品香食野，其實品香 d 野食真係幾正！！
2-4/9 ： NASU 莊聚 @ 祈福 + 長隆，我地 o 係祁福住果間屋真係超靚，又唔係貴！！其實長隆唔係幾岩我玩 lor ，見到 d 機動遊戲我勁淆底 lor ，不過我好珍惜一大班人一齊去旅行既機會架！
5/9 ：怒 bears 帶子 farewell+Angela 慶生 @ 旺角泉章居，最記得但芋頭鴨 ( 我唔記得個名係咪咁 ) 入面 d 雞係少到見唔到 lor..... 個 bear 蛋糕劃花左之後邊左做貓 ……..
其實 9 月既第二至四個禮拜，我逢二四六都要去炮台山上領隊 course ，我依家已經有領隊證喇，其實我已經可以帶團喇， yeah ！！
返學之後，我又回複返組聚既日子，星期一炮組，星期二吏組，星期三怒組， hahaha ！
不過我因為要上領隊堂，所以去唔到大系開學飯 lor………
10 月
1/10 ：建國六十周年既大日子，我就同左幾個佬一齊去睇《建國大業》，係咪好正呢，哈哈哈哈 ……..
5/10 ：吏組中秋聚：首先佢地去左湯宿煮湯圓，我後 join 之後就去左 UCC 天台度玩蠟燭！
10/10 ：我地 UGD 世界宗教去左尖沙咀睇印度教既廟堂，我正係聰仔因為遲到而比我地做，結果就有得試著印度教既衫喇 ~~ 果日仲係 I Day ，我都有返去幫手，不過我就頹過上兩年好多 lor ，淨係留左 o 係 408 度同人吹水 …….
11/10 ：朝早同晏晝就係 NA 細系莊聚，湯巾車左我地去飛鵝山同大浪灣玩，最衰天氣唔係幾好啦 ……… 不過好好玩，係咁玩 Deal ，哈哈 ~
夜晚就係怒 bears Kathy 慶生 @ 佐敦黃珍珍，本來好多人黎到架，但係好多人臨時甩底 ………Kathy 生日快樂，哈哈哈哈！
25-26/10 ：廣州之旅 with 阿澤 & 湯巾，其實都係變左 Deal 之旅，哈哈 ~
31/10 ：中大文化徑導遊團第一次帶團！
11 月
我發覺我個 schedule 入面寫滿左既都係傾 pro lor……… 所以我成日都見到明輝，哈哈 ~
20/11 ：吏組組聚：同左阿 Wing 、洪寶同 Jenny 慶祝生日，同埋飲左好多凍檸茶，好飽呀！
25/11 ：怒 bears Lorraine & 洪寶慶生，因為約唔到出去聚，所以我地就 o 係蘭苑聚！
12 月
其實十二月頭都仲係好多好多 present ，最犀利既當然係 10/12 我同 Kathy 、 Wendy 同明輝因為 Workshop 果科所以去左大埔救恩既 form1 教左一堂通識 …… 比想像之中更難教，特別係因為我教得快左，令到明輝講多左好多，真係唔該晒明輝！！
12/12 ： NASU 同 Bell Bell 、 Hunter 慶生
之後就當然係考試同做功課啦，做到 26/12 做完 Workshop 既 portfolio 先至可以放假 ~~
27/12 ：做左一樣好特別既野，就係訪問左我阿爸，想知道內容係咩，就要留意 NASU o 係 2 月出版既期刊啦！
30/12 ：國是莊聚：見返好多好耐都無見既莊員 ( 除左 Bigi 之外，我成日見到佢地 ) ，我地開學飯見啦！
----------------------------------------------------------------------------------
打完之後，我發覺我 yr 3 好似除左傾 pro 之外就無咩做過野 …….. 當然啦，我做左好多莊務我就當然無打出黎啦 ……. 不過有種感覺愈來愈強烈，就係好掛住 year1 果種無憂無慮咁玩既生活 ~~ 依家多功課同埋莊務，其實有 d 辛苦 …….. 不過，有一樣野就係上左莊之後，我 d 宿舍生活好似有豐富返 ~~
展望 2010 年，我終於要畢業喇，其實我自己想做 d 咩我都唔知 …….. 如果 pgde 收我既話我應該會讀既 ~~ 如果搵工既話，我應該會咩都搵下既，我自己都唔知道想點 …… 哈哈，依樣野都係遲 d 先算啦 ~~ 好快我又要去返 Photo Day 約影組相果 d 瘋狂日子架喇！！
另外呢，田方澤唔好再咁燥同咁肥喇！我成日都燥既話會搞到我都燥埋架！睇多 d year1 既相激勵下自己啦！！
